KICHANGA CHAZIKWA KIKIWA HAI KWA LENGO LA KUPATA UTAJIRI - MAGU

Jeshi la Polisi mkoani Mwanza linamshikilia Zawadi Msagaja mkazi wa Kijiji cha Mahaha wilayani Magu aliyemzika mtoto wake akiwa hai kwa kile kinachoelezwa kuwa aliamriwa na shemeji yake ambae ni mganga wa kienyeji amtoe kafara mtoto huyo mwenye umri wa miezi miwili ili apate utajiri

Kamanda wa polisi mkoa wa Mwanza Wilbroad Mutafungwa amesema polisi walipata taarifa kutoka kwa wasamaria wema ndipo ufuatiliaji ukafanyika na kufanikiwa kumkamata mama huyo pamoja na dada yake Elizabeth John Kaswa pamoja na mtuhumiwa mwingine ambaye ni Musa James Mazuri aliyekamtwa katika Kijiji cah Nyanguge

Aidha Polisi Mwanza inawashikilia watu wengine wanne kwa makosa ya mauaji

Katika tukio lingine lililotokea tarehe 18 mwezi huu usiku katika Kijiji cha Bujingwa wilayani Kwimba mwanamke mmoja aitwaye Kahabi Kazimili aliuawa kwa kuchomwa na kisu eneo la kidevu na mumewe aitwaye Nyanda Thomas na badae mwanaume huyo kukimbia.

"Msako mkali ulifanyika ndipo tarehe 21 mtuhumiwa alikamtwa akiwa mafichoni mkoani Kagera na kwamba upelelezi utakapokamilika atafikishwa mahakamani"

Aidha tukio lingine la tatu kamanda Mutafungwa amesema katika kisiwa cha Nyamango, Kijiji cha Soswa wilayani Sengerema Shabani Ally mvuvi aliuawa baada ya kuchomwa na kitu chenye ncha kali na rafiki yake aitwaye Mnanka Paul

"Baada ya kufanya uhalifu huo mtuhumiwa alitoroka kusikojulikana jeshi la polisi lilifanya mako mkali na kufanikiwa kumkamata mtuhumiwa tarehe 21 mwezi huu katika kisiwa cha Lubalagaza"

CHANZO: EATV